• Նաիրա Հայրապետյան Դեկան

    Այսօր մենք կանգնած ենք որակյալ և մրցունակ մասնագետների պատրաստման հավակնոտ խնդրի առջև, որոնք ունակ կլինեն գրագետ որոշումներ կայացնել ամենադժվար իրավիճակներում, առաջնորդներ, որոնք կկարողանան արձագանքել նաև համաշխարհային թվային տնտեսության մարտահրավերներին: Եթե ցանկանում եք ստանալ բարձրորակ, ժամանակակից կրթություն մարքեթինգի, վաճառքի, գովազդի, հանրային կապերի (PR), թվային մարքեթինգի բնագավառներում, ընտրեք ՀՖՀՀ –ի մարքեթինգի ֆակուլտետը։

    Ժան-Բատիստ Կարտիե Համադեկան

    Մարքեթինգի ֆակուլտետի մագիստրատուրան կրթում է մասնագետների, որոնք ընդունակ են մարքեթինգային ռազմավարություն մշակել, մարքեթինգային քայլերի պլան կազմել և այնուհետ ուսումնասիրություններ անել՝ վերլուծելու կատարված քայլերի արդյունքը։ Երկամյա ուսումից հետո ՀՖՀՀ-ի այս մագիստրատուրայի շրջանավարտները բնականաբար կզբաղեցնեն նաև կառավարչական պաշտոններ։ Այլ բուհերից նույնպես կարող են լինել դիմորդներ ՝ մինչդեռ ֆրանսերենի պարտադիր իմացությամբ։

  • Ծրագրի նպատակները

    -Տալ հիմնարար և խորացված գիտելիքներ ու հմտություններ մարքեթինգի, վաճառքի, կառավարման, որոշումների կայացման ոլորտներում, որոնք կհամապատասխանեն ազգային և միջազգային մասնագետների չափանիշներին,

    -Պատրաստել մասնագետներ մարքեթինգի, վաճառքի և հաղորդակցության ոլորտներում, որոնք օժտված կլինեն տնտեսության տարբեր ոլորտներում (բանկ, զբոսաշրջություն, սնունդ, և այլն) անհրաժեշտ մասնագիտական հմտություններով,

    -Կրթել մի շարք օտար լեզուների (ֆրանսերեն, անգլերեն, իսպաներեն, ռուսերեն) և ժամանակակից համակարգչային գործիքների տիրապետող մասնագետների,

    -Պատրաստել ուսանողներին աշխատանքային միջավայրի արագ ինտեգրման՝ խմբային աշխատանքների, ձեռնարկությունների հետ իրական իրավիճակային խնդիրների ուսումնասիրության և լուծումներ տալու միջոցով։

    Ընդունելություն

    Ծանոթանալ ընդունելության պայմաններին

  • Աշխատանքային հեռանկարներ

    ·       Կազմակերպության/ընկերության ղեկավար,

    ·       Կոմերցիոն տնօրեն,

    ·       Մարքեթինգի/վաճառքի տնօրեն,

    ·       Գովազդային գործակալության տնօրեն,

    ·       Միջազգային առևտրի պատասխանատու,

    ·       Հանրային կապերի (PR) մենեջեր,

    ·       Բրենդ մենեջեր,

    ·       Նախագծերի ղեկավար,

    ·       Մերչենդայզեր,

    ·       Բիզնես վերլուծաբան,

    ·       Վաճառքի, գովազդի, մարքեթինգի, լոգիստիկայի, գնումների մասնագետ։

  • Դիպլոմներ

    Այս կրթական ծրագիրը կազմակերպվում է Ժան Մուլեն Լիոն 3 համալսարանի հետ համագործակցությամբ։ Մագիստրատուրան ավարտելիս ուսանողը ստանում է 2 պետական դիպլոմ՝ Ժան Մուլեն Լիոն 3 համալսարանի ֆրանսիական դիպլոմ և Հայաստանում ֆրանսիական համալսարանի հայկական դիպլոմ։

    Կրթության կազմակերպում

    Մարքեթինգ և վաճառք մագիստրատուրան առկա ուսուցմամբ ծրագիր է՝ 4 կիսամյակով, որոնց ընթացքում ուսանողը վաստակում է 120 ECTS կրեդիտ։ 

    Դասավանդման լեզուներ՝ հայերեն և ֆրանսերեն։

    Մագիստրատուրայի 1-ին կուրսում 3-ամսյա, իսկ 2-րդ կուրսում՝ 6-ամսյա պրակտիկա պետք է իրականացվի Հայաստանում կամ արտերկրում գտնվող կազմակերպությունում։ Պրակտիկայի ավարտին ուսանողը պետք է ներկայացնի գնահատման ենթական ամփոփ աշխատանք (1-ին կուրսում) և ավարտական թեզ (2-րդ կուրսում)։

    • 2024-2025 Ուսումնական պլաններ
    • Այցելել կայք

    • Լինել Ժան Մուլեն Լիոն 3
      համալսարանի ուսանող՝
      սովորելով ՀՖՀՀ-ում

Ունե՞ք հարցեր
Վարչական պատասխանատու՝ ap_master@ufar.am +37498279673

Նորություններ