Նորություններ և միջոցառումներ Նորություններ «Եվրոպական ինտեգրացիա». ՀՖՀՀ-ի ամառային դպրոցը EIZ-ի հետ
  • 2023-07-15

«Եվրոպական ինտեգրացիա». ՀՖՀՀ-ի ամառային դպրոցը EIZ-ի հետ

ՀՖՀՀ-ն Ցյուրիխի համալսարանի Եվրոպա ինստիտուտի (EIZ) հետ համագործակցությամբ հունիսի 26-ից հուլիսի 13-ը կազմակերպել էր ամառային դասընթաց եվրոպական ինտեգրացիայի մասին: Դասընթացի մեկնարկը տրվեց EIZ-ի տնօրեն պրոֆ․ Անդրեաս Քելերհալսի բաց դասախոսությամբ ԵՄ անդամակցության այլընտրանքների մասին։ Դասախոսությանը ներկա էին Հայաստանում Ֆրանսիայի դեսպան տիկին Անն Լույոն, Հայաստանում Շվեյցարիայի դեսպան պարոն Լուկաս Ռոզենկրանցը, Հայաստանում ՄԱԿ ՓԳՀ-ի ներկայացուցիչ տիկին Կավիտա Բելանին և Հայաստանի դիվանագիտական ​​դպրոցի տնօրեն, արտակարգ և լիազոր դեսպան Վահե Գաբրիելյանը։ Դասախոսությանը հաջորդեցին երեք հետաքրքիր շաբաթներ՝ հագեցած գիտելիքների փոխանակմամբ և գրավիչ դասախոսություններով:

Ամառային դասընթացի առաջին շաբաթը նվիրված էր այնպիսի կարևոր թեմաների, ինչպիսիք են եվրոպական ինտեգրման պատմությունն ու հեռանկարները, այլընտրանքային ինտեգրման մոդելները և ԵՄ ինստիտուցիոնալ և իրավական համակարգը: Մասնակիցները հնարավորություն ունեին ունկնդրելու թեմայի փորձագետների, այդ թվում՝ EIZ-ի տնօրեն պրոֆեսոր Անդրեաս Քելերհալսին և փոխտնօրեն դոկտոր Թոբիաս Բաումգարտներին: Շաբաթը ՀՖՀՀ համայնքի համար լի էր գիտելիքով, հետաքրքրաշարժ զրույցներով և մտածելու տեղիք տվող գաղափարներով:

Երկրորդ շաբաթվա ընթացքում շեշտը դրվեց ԵՄ-ի հարևանության քաղաքականության, անվտանգության և միգրացիոն քաղաքականության վրա։ Այս անգամ դասընթացը վարում էր EIZ-ի գիտաշխատող Ֆրանցիսկա Ֆոգելը։ Յուրաքանչյուր շաբաթվա ընթացքում ուսանողները հնարավորություն ունեցան հանդես գալու տարբեր թեմաներով ելույթներով՝ այդպիսով խթանելով դինամիկ և ինտերակտիվ ուսումնական միջավայր:

Երրորդ և վերջին շաբաթվա ընթացքում EIZ-ի գիտահետազոտության ասիստենտ Ֆաթլում Ադեմին վարեց քննարկումներ կլիմայի փոփոխության վերաբերյալ՝ միջազգային իրավական դաշտ, ԵՄ Կանաչ գործարք և այլն: Ամեն շաբաթվա դասընթացի ավարտին մասնակիցները ըստ ցանկության հանձնեցին նաև թեստեր՝ ստացած գիտելիքները ստուգելու համար:

Հուլիսի 13-ին տեղի ունեցավ ամփոփիչ ​​միջոցառում՝ նշելու համար դասընթացի ավարտը։ Միջոցառմանը ներկա էին ՀՖՀՀ ռեկտոր դոկտոր Սալվա Նակուզին և Հայաստանում Շվեյցարիայի դեսպան Ն․Գ․ Լուկաս Ռոզենկրանցը: Այս հանդիսավոր միջոցառումը հնարավորություն տվեց արժևորելու մասնակիցների ձեռքբերումները և ՀՖՀՀ-ի և EIZ-ի արդյունավետ համագործակցությունը:

 

ՀՖՀՀ համայնքն իր երախտագիտությունն է հայտնում Ցյուրիխի համալսարանի Եվրոպա ինստիտուտին այս ամառային դասընթացի համար և անհամբեր սպասում է հաջորդ տարի համագործակցության ընդլայնմանը:

Միջազգային գործընկերությունների զարգացումը և իր համայնքին բացառիկ կրթական հնարավորությունների տրամադրումը շարունակում են մնալ ՀՖՀՀ-ի առաջնային նպատակների դաշտում:

Վերադառնալ
Վերջին նորությունները

  • L’équipe Lumos de l’UFAR au concours de plaidoirie de la Croix Rouge

    read more

  • L’équipe du volleyball de l’UFAR à la 21ème édition des jeux sportifs des étudiants

    read more

  • Les étudiants bénévoles accompagnent les médecins français

    read more

  • L’équipe Lumos de l’UFAR au concours de plaidoirie de la Croix Rouge

    read more

  • L’équipe du volleyball de l’UFAR à la 21ème édition des jeux sportifs des étudiants

    read more