• Կարին Յովսէփեան Դեկան

    ՀՖՀՀ-ի «Միջազգային իրավունք, միջազգային մասնավոր և համեմատական իրավունք» մագիստրոսական ծրագիրը տալիս է համապարփակ գիտելիքներ միջազգային գործարար իրավունքի և միջազգային մասնավոր իրավունքի ոլորտում։ Հնարավորություն կունենաք սովորել և հաղորդակցվել բարձր որակավորում ունեցող մասնագետների հետ ինչպես Ֆրանսիայից, այնպես էլ Հայաստանից, վերլուծել կանոններն ու իրավական մեխանիզմները, որոնց շրջանակներում ձևավորվում են գործարքները կամ միջազգային հարաբերությունները, ավելի սուր դարձնել ձեր համեմատող հայացքը և դառնալ ոչ միայն իրավաբանության ձեր ընտրած ոլորտի մասնագետ, այլև ձեր լուման ներդնել վերջինիս զարգացման գործում։

    Քրիստել Գազո Համադեկան

    ՀՖՀՀ-ն կրթել է լավագույն հայ իրավաբաններին, ովքեր այսօր գործունեություն են ծավալում ինչպես իրենց երկրում, այնպես էլ արտերկրում։ ՀՖՀՀ-ում միջազգային իրավունք, մասնավոր և համեմատական միջազգային իրավունք սովորելը հնարավորություն է ընձեռում տեսական և գործնական համապարփակ գիտելիքներ ստանալ բոլոր այն առարկաներից, որոնք դասավանդվում են հայ և ֆրանսիացի մասնագետների կողմից, և որոնց արդյունքում հնարավոր է դառնում երկու պետական դիպլոմ ստանալ։ Այս շրջանակում ուսանողները ձեռք են բերում հիմնարար գիտելիքների խորացման հմտություն և լավագույնս պատրաստվում իրենց ապագա մասնագիտությանը։

  • Ծրագրի նպատակները

    Կրթել իրավաբանների միջազգային գործարար, միջազգային մասնավոր իրավունքի ոլորտներում, ովքեր կկարողանան համեմատել ժամանակակից մեծ իրավական համակարգերը, ըմբռնել իրավունքի միջազգային մարտահրավերները և կիրառել մեթոդներ՝ լուծելու համար անդրսահմանային և միջազգային մակարդակի վեճեր,

    Ուղեկցել ինչպես գործնական, այնպես էլ՝ գիտական նշանակության խորացված հետազոտության վարումը,

    Հնարավորություն տալ ուսանողներին կրթության ավարտին իրավունքի անկախ իրացումն ապահովել տարբեր ոլորտներում։

  • Դիպլոմներ

    Այս կրթական ծրագիրը կազմակերպվում է Ժան Մուլեն Լիոն 3 համալսարանի հետ համագործակցությամբ։ Մագիստրատուրան ավարտելիս ուսանողը ստանում է 2 պետական դիպլոմ՝ Ժան Մուլեն Լիոն 3 համալսարանի ֆրանսիական դիպլոմ և Հայաստանում ֆրանսիական համալսարանի հայկական դիպլոմ։

    Աշխատանքային հեռանկարներ պետական և մասնավոր ոլորտներում

    ·       Իրավաբանական և դատաիրավական մասնագիտություններ՝ փաստաբան, նոտար, դատավոր (համապատասխան մրցույթներ անցնելուց հետո),

    ·       Իրավախորհրդատվություն․ իրավաբան կազմակերպությունում, բանկում, ապահովագրական ընկերությունում, ՀԿ-ում,

    ·       Վարչական կառույցներ, միջազգային կազմակերպություններ, դատարան

    ·       Ազգային անվտանգության և պաշտպանության ծառայություններ

    ·       Իրավաբանական հետազոտություններ, դասավանդում

    Ընդունելություն

    Ծանոթանալ ընդունելության պայմաններին

  • Կրթության կազմակերպում

    Իրավագիտության մագիստրատուրան առկա ուսուցմամբ ծրագիր է՝ 4 կիսամյակով, որոնց ընթացքում ուսանողը վաստակում է 120 ECTS կրեդիտ։ 

    Դասավանդման լեզուներ՝ հայերեն, ֆրանսերեն, անգլերեն։

    Ուսուցումն իրականացվում է դասախոսությունների (CM) և գործնական պարապմունքների (TD) միջոցով, որտեղ խմբերում ուսանողների թիվը չի գերազանցում 40-ը։ Իրավագիտության մագիստրատուրայում գործնական պարապմունքների ընթացքում հիմնականում ուսումնասիրվում են պայմանագրերի կազմումը և բանակցության տեխնիկան և հմտությունները։

    Մագիստրատուրայի առաջին կուրսում ուսանողը պետք է իրականացնի 14-շաբաթյա, իսկ երկրորդ կուրսում՝ 6-ամսյա պարտադիր պրակտիկա։ Ուսումնառության ավարտին ուսանողը պետք է նաև ներկայացնի և բանավոր եղանակով պաշտպանի ավարտական թեզ։ Թեզը գրելու գործընթացում ուսանողն ունի անհատական ղեկավար՝ մանկավարժական անձնակազմից։

    • 2024-2025 Ուսումնական պլաններ
    • Այցելել կայք

    • Լինել Ժան Մուլեն Լիոն 3
      համալսարանի ուսանող՝
      սովորելով ՀՖՀՀ-ում

Ունե՞ք հարցեր
Վարչական պատասխանատու՝ ap_master@ufar.am +37498279673

Նորություններ