Նորություններ և միջոցառումներ Նորություններ ՀՖՀՀ ուսանողների ուսուցողական այցը Չեխիա՝ RANent միջազգային նախագծի շրջանակում
  • 2026-10-04

ՀՖՀՀ ուսանողների ուսուցողական այցը Չեխիա՝ RANent միջազգային նախագծի շրջանակում

ՀՖՀՀ-ում գործող և Վիշեգրադյան միջազգային հիմնադրամի կողմից ֆինանսավորվող RANent («Reinforcing the alumni network to enhance entrepreneurship education, based on V4 expertise») միջազգային նախագծի շրջանակում pitching-ի արդյունքում հաղթող ճանաչված թիմը սեպտեմբերի 28-ից հոկտեմբերի 2-ը ուսուցողական այց է իրականացրել Չեխիայում։

Հաղթող թիմի կազմում էին ՀՖՀՀ ուսանողներ Լիլիթ Վարդանյանը, Սուսաննա Սահակյանը, Տիգրան Մանվելյանը և Էդգար Ավդալյանը, իսկ թիմի մենթորն էր ՀՖՀՀ շրջանավարտ Արշակ Խուդավերդյանը։

Այցի շրջանակում թիմը հյուրընկալվել է Կենտրոնական Եվրոպայի տեխնոլոգիական ինստիտուտում (CEITEC), որտեղ մասնակիցները հնարավորություն են ունեցել ծանոթանալու տեխնոլոգիական տարբեր լաբորատորիաների և ստարտափների համար ստեղծված ենթակառուցվածքների աշխատանքին։ Նրանք նաև տեղեկացել են ինստիտուտում իրականացվող հետազոտական նախագծերին, նորարարական նախաձեռնություններին և այն հնարավորություններին, որոնք ուղղված են նոր տեխնոլոգիական ու ձեռնարկատիրական գաղափարների զարգացմանն ու աջակցությանը։

Ծրագրի շրջանակում թիմն այցելել է նաև Բռնոյի տեխնոլոգիական համալսարան, որտեղ ծանոթացել է քաղաքաշինության և քաղաքային զարգացման ժամանակակից մոտեցումներին ու կիրառվող մեթոդաբանություններին։

Այցի ընթացքում ՀՖՀՀ ուսանողները ներկայացրել են նաև իրենց մշակած նախագիծը՝ հնարավորություն ունենալով այն քննարկելու միջազգային ակադեմիական և նորարարական միջավայրում։

Ուսուցողական այցը մասնակիցներին հնարավորություն է տվել ընդլայնելու իրենց գիտելիքները ձեռնարկատիրության և նորարարության ոլորտներում, ծանոթանալու միջազգային փորձին և նոր կապեր հաստատելու կրթական ու տեխնոլոգիական միջավայրի ներկայացուցիչների հետ։

Վերադառնալ
Վերջին նորությունները

  • L’équipe Lumos de l’UFAR au concours de plaidoirie de la Croix Rouge

    read more

  • L’équipe du volleyball de l’UFAR à la 21ème édition des jeux sportifs des étudiants

    read more

  • Les étudiants bénévoles accompagnent les médecins français

    read more

  • L’équipe Lumos de l’UFAR au concours de plaidoirie de la Croix Rouge

    read more

  • L’équipe du volleyball de l’UFAR à la 21ème édition des jeux sportifs des étudiants

    read more