Ծրագրի նպատակները

·       Տալ ֆինանսների և տնտեսագիտության ոլորտում խորացված տեսական գիտելիքներ,

·       Պատրաստել տեսական և պրակտիկ ոլորտների մասնագետներ, որոնք մասնագիտացած կլինեն որպես տնտեսագետներ, ֆինանսական պատասխանատուներ, բանկային  և ապահովագրական մասնագետներ,

·       Ուսանողներին փոխանցել մասնագիտական հմտություններ՝ հայաստանյան և ֆրանսիական բանկերում, ապահովագրական ընկերություններում և այլ ֆինանսական կառույցներում աշխատելու համար,

·       Ուսանողներին մոտիվացնել ուսումը շարունակելու և ակադեմիական ու գործնական հետազոտություններ իրականացնելու գործում։

Աշխատանքային հեռանկարներ պետական և մասնավոր ոլորտներում

-Ֆինանսական մենեջեր

-Հաշվապահ

-Աուդիտոր

-Ֆինանսական վերլուծաբան

-Վիճակագիր-տնտեսագետ վերլուծաբան

Դիպլոմներ

Այս կրթական ծրագիրը կազմակերպվում է Ժան Մուլեն Լիոն 3 համալսարանի հետ համագործակցությամբ։ Բակալավրիատն ավարտելիս ուսանողը ստանում է 2 պետական դիպլոմ՝ Ժան Մուլեն Լիոն 3 համալսարանի ֆրանսիական դիպլոմ և Հայաստանում ֆրանսիական համալսարանի հայկական դիպլոմ։

Կրթության կազմակերպում

Ֆինանսների բակալավրիատը առկա ուսուցմամբ ծրագիր է՝ 8 կիսամյակով, որոնց ընթացքում ուսանողը վաստակում է 240 ECTS կրեդիտ։ 

Բակալավրիատի վերջին տարում ուսանողը պետք է իրականացնի 26-շաբաթյա պրակտիկա, որից 7 շաբաթը լրիվ դրույքով, իսկ մնացածը՝ ոչ լրիվ դրույքով։ Պրակտիկան պետք է իրականացվի Հայաստանում կամ արտերկրում գտնվող կազմակերպությունում։ Պրակտիկայի ավարտին ուսանողը պետք է ներկայացնի պրակտիկայի հաշվետվություն, որի համար կգնահատվի։

Դասավանդման լեզուներ․

1-ին և 2-րդ կուրսեր՝ հայերեն,

3-րդ և 4-րդ կուրսեր՝ հայերեն և ֆրանսերեն: