|
Երրորդ հաջողված Աֆիշների երեկոն 2006 |
|
|
 Մեթոդոլոգիայի և Մասնագիտական կողմնորոշման ամբիոնի դասախոսների ջանքերով արդեն 3-րդ տարին է ՀՖՀՀ-ում կազմակերպվում է հիանալի ավանդույթ դարձած ԱՖԻՇՆԵՐԻ ԵՐԵԿՈ: Տարեցտարի ուսանողների աֆիշները ավելի գրավիչ և հետաքրքրական են դառնում թե’ ներկայացման բազմազանության, թե’ մտահղացման տեսանկյունից:
 4-րդ կուրսի ուսանողները աֆիշների միջոցով փորձել էին ցուցադրել իրենց ընկալումն ու պատկերացումներն ընտրած մասնագիտությունների մասին: Ամենահետաքրքիրն այն էր, որ բոլոր աֆիշներն աչքի էին ընկնում վառ երևակայությամբ, ընտրած մասնագիտությունների մասին հստակ պատկերացմամբ, ինչը դժվարացնում էր դասախոսների, համալսարանի աշխատակազմի, ինչպես նաև 34 տարբեր ձեռնարկություններից(Երևանի Կոնյակի գործարան, Կոկա-կոլա, CAPS, ACBA Credit Agricol, Kotayk այլն)  եկած մասնագետների գործը` լավագույն աֆիշների ընտրության հարցում: Այնուամենայնիվ, յուրաքանչյուր ֆակուլտետից ընտրվեց մեկ լավագույն աֆիշ տեղեկության բովանդակության, որակի և յուրահատկության համար:
Հուսանք, որ հիանալի այս ավանդույթը կշարունակվի հետագա տարիներին ևս, և ուսանողները մեզ կզարմացնեն իրենց մտքի թռիչքով ու վառ երևակայությամբ:
|
|
|
